جاحد هو من يربط بين التسريبات الأخيرة لبعض النواب وهم في أوضاع مخلة يعاقب عليها القانون وبين مؤسسات الدولة .
ونفهم إيه أهم أسباب التسريبات قبل ما نقول الحكومة هي السبب:
التسريبات بتحصل لما حضرتك أو الطرف الآخر بتبقى في لحظة تجلي معجب نفسك وبتسجل المكالمة (وبرامج التسجيل بالمئات) أو بتصور نفسك .. وبعد كدة بتكون أمام :-
1- موبايلك إتسرق والسارق أخد ما عليه ونشره.
2- هاكر دخل على حسابك أو جهازك وسرق ونشره.
3- موبايلك أو جهازك راح الصيانة ويتاع الصيانة سرق اللي عليه ونشره.
4- واحد حبيبك من ولاد الحلال أو حبيتك أو صديقتك أو مراتك إستغفلك وسحب كل اللي على جهازك ونشر.
5- أو بغرض الإنتقام من أي طرف غدر بالتاني.
مع تعدد وسائل التكنولوجيا كل واحد بيقدر يتجسس ويسرق الآخرين .. كان زمان مؤكد إن الحكومة هي اللي بتسجل وتسرب لأن مكنش فيه غير التليفون الأرضي وأجهزة التسجيل نادرة ولو إنت بتسجل بكاسيت التشويش والهواء بيبقى عالي.
لكن إستدعاء ماضي الحكومات السابقة على إمكانيات الحاضر المتاح للملايين وإستغلال الجرائم التي إرتكبها أشخاص بكامل إرادتهم وحريتهم للهجوم على الدولة المصرية ولومها والتحريض عليها بسيب التصدي لهذه الجرائم أمر غير منطقي.
والدليل على ذلك ألآف الفضائح والتسجيلات على اليوتيوب والمواقع المشبوهة بسبب إنتشار الجهل وثقافة الفضائح وحب الإنتقام.
ولكن الربط الذي يجري الآن هو كيد سياسي وتربص بالدولة المصرية وتسويق من المتآمرين لرفض التعديلات الدستورية بطريق غير مباشر